Arun Jaitley-a’n Kejriwal lakah thubuai thehlut

Union minister Arun Jaitley-a chuan Delhi Chief Minister Arvind Kejriwal chu a ukil Ram Jethmalani-a’n court chhungah a chungchang mawi lo taka a sawi avangin cheng vaibelchhe 10 chawi turin a khing.

Arun Jaitley-a hian kum 2015 khan Kerjiwal leh Aam Aadmi Party (AAP) hruaitu dang panga-te chu tihhming­chhiat tumah puhin, civil defamation case a lo thehlut tawh bawk. AAP hruaitute hian kum 2000-2013 inkar a, Arun Jaitley-a Delhi and District Cricket Association (DDCA) president-a a nih lai khan, Jaitley hi sum tam tak tih­chingpenah an puh a ni.

Kar hmasa khan court chhung­ah Kejriwal-a ukil, Jethmalani chuan Jailtey hi ‘bumhmang’ tiin a sawi a, hei hian minister hi a tithinur hle. Jaitley hian he ṭawngkam hi Kejriwal-a’n a hrilh avanga hmang a ni em tih pawh a zawt let a, Jethmalani chuan a client (Kejriwal) hrilh anga hmang a nih thu a sawi. Hei vang hian Jaitley chuan Kejriwal-a lakah thubuai thar hi a thehlut leh ta a ni.