Ministerial post pek tiama Rs vbc 100 diltu mi 4 man an ni

Mumbai police-te chuan Maharashtra MLA ṭhenkhatte hnenah ministerial post pek tiam a, cheng vaibelchhe 100 phuttu mi pali an man.

Maharashtra-ah hian Uddhav Thackeray kaihhruai sorkar paihthlak a nih hnuah chief minister thar Eknath Shinde kaihhruai sorkar lakluh a ni a, CM leh deputy CM chauh lakluh la niin, cabinet minister turte an la ruat lo.

CM Shinde chuan a cabinet minister turte hi a ruat fel dawn hnai nia sawi a ni a, July chawlhkar tawpah chuan cabinet hi tihlen hman tum a ni. Hetih lai hian hei hi remchanga hmangin mi palite hian MLA pathumte chu bum an lo tum tih Mumbai Crime Branch chuan an sawi. MLA-te bum tum an mante hi Riyaz Sheikh, 41, Yogesh Kulkarni, 57, Sagar Sangwai, 37, leh Zafar Ahmed Usmani-te an ni.