PM-in Gujarat-ah Rs vbch 993 hu project a hawng
Prime Minister Narendra Modi chuan Thawhṭanni khan Gujarat-a Kandla Port tihhmasawnna tur project hrang hrang, cheng vaibelchhe 993 hu a hawng.
PM Modi chuan Kandla chu Asia-a lawng chawlh hmun pawimawh tak a ni chho tih sawiin, India puihna hmanga Iran-a Chababar Port chei a nih hunah chuan global trade map-ah pawh a lang chho thuai dawn niin a sawi.
Modi chuan Kandla Port Trust (KPT) chu BJP-RSS ideologue Pandi Deendayal Upadhyay piancham vawi za-na puala a hming chawi tir turin a rawt bawk. KPT development project a hawn zingah hian Babasaheb Bhimrao Ambedkar hming chawia convention centre siam tur pawh a tel a ni. Hei bakah hian Kandla Port-a cargo berth pahnih siamna tur te, lei chhunga kawng siamna tur te, mobile harbour crane pahnih dahna turte leh fertiliser handling facility siamna turte pawh a tel.
PM hian ni hnih chamin Gujarat hi a tlawh a, kumin chhunga a tlawh ṭum thumna a ni. Gujarat state hian kumin kum tawp lamah assembly inthlan a hmachhawn dawn a ni.