IGI Customs vault aṭangin rangkachak kg 30 bo

26th May, 2017

Delhi-a Indira Gandhi International Airport-a Custom warehouse aṭangin rangkachak kg 30 a bo a, he thil thleng vang hian Central Bureau of Investigation (CBI) chuan senior custom official an man tawh.

CBI-ten rinhlelh thila an man, department official hi Sonipat-a post lai a ni a, Delhi court-ah hruaiin ni 28 thleng hren zui a ni rih ang.

Custom warehouse aṭanga rangkachak bo hi la chher ṭhat loh leh tlereuh ṭhenkhatte a ni a, a hlut zawng hi cheng vaibelchhe 25 nia chhut a ni. Rangkachak bo thu hi kumin January 9 - February 21 inkara Stock Taking Comittee-in vault a endik ṭumin hriatchhuah a ni. Heng rangkachakte hi Customs Department-ten an man a ni a, a rubotu hian thil dangin a lo thlak a ni.