Maha CM chuanna helicopter chesual

Maharashtra Chief Minister Devendra Fadnavis chuanna helicopter chu nimin khan helipad aṭanga a thlawhchhuah hnu reiloteah a tla, vanneihthlak takin a chuangte an him vek.

CM hi central Maharashtra-a Latur district-a Nilanga helipad aṭangin BJP farmer outreach programme a tel turin a kal a, principal secretary Pravin Par­deshi leh staff Abimanyu Pawar leh Ketan Pathak ten an zui a ni.

Helicopter hi Nilanga helipad bul, slum area-ah a tla a ni. Pilot hian an thlawhchhuahaṭanga minute hnih hnu lekah thil fel lo a awm tih a hriatinṭum leh nghal a tum a, a ṭum tum hi tla thla mai loin wire a su thla tel a ni. Officer on special duty (OSD) Ketan Pathak chuan an insawh nasa tih a sawi a, mahse vanneihthlak takin tumahin hliam an tuar lo tih a sawi.

Chief Minister Fadnavis pawhin a ngaihtuahawm loh thu a sawi a, Latur aṭangin Mumbai an pan dawn tih a sawi.

Helicopter hi Maharashtra sorkar ta a ni a, mi paruk chuangin thawktu pahnih an awm bawk.