Saharanpur-a Rahul Gandhi kal phalsak lo

Uttar Pradesh police-te chuan Dalit leh hnam chungnung zawkte inkara buaina nasa tak chhuahna, Uttar Pradesh-a Saharanpur district-ah Congress vice president Rahul Gandhi kal an remti lo.

May 5 khan Shahbipur khuaa Dalit hnam chenna in eng emaw zat chu halsak an ni a, May 23 leh 24 khan Bahujan Samaj Party chief Mayawati rally neihnaa tel Dalit mite chu an haw lam beih an ni bawk a, mi pahnih thiin mi 10 chuangin hliam an tuar bawk. Buaina chhuak vang hian Saharanpur district-ah hian CrPC Section 144 (prohibitory orders) puan a ni a, internat leh messaging service pawh tihtawp a ni nghal bawk.

Buaina chhuah hnu hian DIG leh Divisional Commissioner bakah Senior Superintendent leh District Magistrate-te chu sawnchhuah an ni tawh.

Congress vice president Rahul Gandhi chuan nimin khan Saharanpur district hi tlawh a tum a, mahse Uttar Pradesh police-ten buaina a punlun phah an hlauhthawn avangin phalna an pe duh lo a ni.