China ramri bulah Sukhoi-30 tla hmu
Indian Air Force thlawhtheihna, May 23-a chin hriat loha awm Sukhoi-30 fighter chu ni thum chhung zawn a nih hnuin nimin khan China ramri bul, Arunachal Pradesh-a Rupa Valley-ah hmuh a ni a, pilot pahnihte chanchin erawh hriat a la ni lo.
Pilot pahnih chuanna fighter jet hi Thawhlehni zing khan Assam-a Tezpur airbase aṭanga a thlawhchhuah hnuah a chin hriat zui lohin a awm a ni. A thlawhchhuah lai hian khua a ṭhat loh avangin a tla ni ngeia rin a ni a, mahse hun eng emaw chen zawn hnuah pawh a tla them emaw pawh hmuh mai a ni lo a, nimin khan Rupa Valley-ah thlawhtheihna tla hi hmuh a ni ta a ni.