Kulbushan Jadhav tihlum thuai tura ngenna thehlut
Pakistan military court-in Indian Navy officer hlui thi tura a chungthu alo rel sak tawh, Kulbhushan Jadhav-a thubuai chu International Court of Justice (ICJ)-in a ‘stay’ sak a, hetihlai hian Pakistan Supreme Court-ah Jadhav-a hi khaihlum thuai tura ngenna petition thehluh a ni.
Kulbhushan Jadhav hi enthlatuah puhin thiam loh chantir a ni a, military court chuan April 10 khan tihhlum turin a chungthu a lo relsak tawh a ni.
Senate chairman hlui, Advocate Farooq Naek chuan Muzamil Ali aiawhin petition a thehlut a, ICJ-in Pakistan military court rorel a dan sak chungchangah, Pakistan dan hnuaiah ICJ hian thuneihna engmah a nei lo a ni, a ti. Hei vang hian court-in a lo rel tawh angin, enthlatua puh Jadhav chu tihlum thuai turin a phut a ni.