Vantlang hmuna bawng talhtu Congress worker-te suspend

Sorlar laipuiin talh tura bawng zawrh leh hralh a khapna duh lohna lantirin Pathianni khan eptu pawlte chuan Kerala-ah bawngsa festival an huaihawt. Sorkar thupek an duh loh zia lantir nana mipui hmuh laia bawngsa talhtu, Congress worker pathumte chu an party-in a suspend.

Kerala Police-te chuan Youth Congress leader leh worker dangten Kannur-a mipui hmuh laia bawngpa an talh lai video thehdarh a nih avangin thubuai an ziak lut a ni. Bawng talh laia awmte hian sorkar laipui thupek tihchhuah an duh loh thu leh, Youth Congress hmalakna an thlawp thute an aupui a ni.

Kannur Police hotu G Siva Kumar chuan video-ah mipui vantlang hmuh lai ngeia bawngpa an talh lai a lan thu sawiin, he thila inhnamhnawihte chu thubuai siamsak an nih thu a sawi.

Congress vice president Rahul Gandhi pawhin party worker-te chetdan chu a dem thu a sawi a, ‘Kerala-a thil thleng hi a ngaihtuah thui loh thlakin a hmanlai hle a, he thil thleng hi kei leh Congress Party chuan kan dem takzet a ni’, a ti. Rahul Gandhi-an party worker-te chetdan a dem thu a sawi hnu hian, heng mite hi party aṭangin suspend an ni zui ta a ni.