Babri Masjid case : CBI court-ah Advani, Joshi leh Uma Bharti-te inlan

Babri Masjid tih­chhiat a nih chung-changah BJP hruaitu LK Advanin, Murli Manohar Joshi leh Umarbarti te chu nimin khan special Central Bureau of Investigation (CBI) court hmaah an inlan a, criminal conspiracy thubuai siamsak an ni.

Court chuan BJP hruai­tute hi bail an dilna a phalsak nghal a, an pathum bakah hian he buainaa inhnamhnawiha puh BJP hruaitu dang Vinay Katiyar, VHP hotu Vishnu Hari Dalmi leh Sadhvi Ritambara-te bail dilna pawh a pawmsak nghal bawk. An pathum hian Rs 50,000 ṭheuh dahkham turin CBI special judge SK Yadav chuan a ti a ni.

BJP hruaitute hi Hindu-te’n kum 1992-a Babri Masjid an tihchhiatsak chungchangah mipui­te rilru chawktho thei zawng­a thu sawiah puh an ni a, CBI chuan special court-a inlan turin a ko a ni. Hruai­tute hian mahni kher inlan lo a, an aiawh tirh phalsak turin ngen mah se an ngenna hi court chuan a hnawlsak a ni.