Department tinte vaccination camp buatsaih turin ngen

Sorkar laipui chuan department hrang hrangte chu Covid-19 vaccine booster dose, precaution dose a thlawna pekna turin an hnathawhna hmunah Covid vaccination camp buatsaih turin a ngen.

Sorkar laipui chuan India ram zalenna kum 75 lawmna pualin ni 75 chhung, July 15 - September 30 chhungin ram chhunga puitling chin tan precaution dose hi a thlawnin a pe dawn a ni.

Personnel ministry chuan department tinte chu an department-a thawkte leh an chhungte, precaution dose la thei chin chu a tam thei ang ber laktir tura ṭan la turin a ti. Precaution dose hi Covid vaccine dose hnihna lak aṭanga thla ruk (chawlhkar 26) hnuah a lak theih a ni.