PM Modi-a'n inah national flag zar vek turin ngen

Prime minister Narendra Modi chuan 'Har Ghar Tiranga' movement tihchakna turin, India ram mipuite chu August 13-15 chhungin an inah India hnam puanzar zar vek turin nimin khan a ngen.

'Har Ghar Tiranga' hi sorkar laipuiin India zalenna kum 75-na lawmna, Azadi Ka Amrit Mahotsav a buatsaihna hnuaiah ṭhangthar zawkte rilruah ram hmangaihna thinlung tuhna tura, in tina hnam puanzar zarna tura campaign a siam a ni.

Ministry of Home Affairs (MHA) chuan August 13-15 chhung hian India rama chenna in, zirna in leh sorkar leh non-government office, vaibelchhe 20 chuangah hnam puanzar hi zar a ni dawn tih a sawi.