AP leh Telengana-ah sorkar school 10,000 khar dawn

Andhra Pradesh leh Telangana state-a sorkar school 10,000 chu zirlai an neih tlem avangin khar an ni dawn.

State pahnih thuneitute chuan zirlai tlemna school te chu khar a, an bul hnai ber school nena chhunfin an tum a, hemi atana thupek hi Andrha Pradesh sorkar chuan a tichhuak tawh a ni. AP sorkar chuan school 6,000 kharna turin thupek a tichhuak tawh. Telangana-ah pawh school naupang tlemna 4,600 chuang khar tum a ni bawk a, mandal officer-te hnenah heng school report kimchang thehlut tur hian hriattir an ni.

Telangana sorkar hian sorkar school-a enrolment a pun theihna turin ‘let’s go to school’ campaign chu state pumah a nei a, mahse a hlawhtling lo hle. Education Minister-in Assembly-a report a thehluhah, kum 2016 chhung khan state chhunga sorkar school 405 chuan zirlai an nei lo. Kuminah theihtawpin ṭan la mah se zirlai nei lo school hi 460-ah a pung chho zawk a, zirlai 10 aia tlem awmna school pawh nikuma 3,772 awm chu kuminah 4,637-ah a pung chho bawk.