Bawng humhalhtu pawl hlauh vangin online-in bawng zuar

Bawng humhalhtu pawl intiten bawng neitute kut an thlak fo avang leh, sawisak hlumte an neih fo avangin mi ṭhenkhat chuan online-in bawng an zuar ṭan tawh. Online site, OLX leh Quikr-ahte bawng leh lawi eng emaw zat zawrh a ni tawh.

Environment ministry chuan tunhnaia talh tur bawng zawrh khapna thupek a tichhuak a, bawng lei tur chu leiletna hmuna chhawr tur tana chauhah lei a phal a ni. Hei hian bawng vulhtu leh sa zuarte thlengin a nghawng nasa hle. Animal market-a bawng zawrh khapna thupek tihchhuah a nih tak avangin bawng vulhtu tam tak chuan online-in bawng hi an zuar chhuak ta a ni.