EC-in EVM hacking challenge buatsaih

Election Commission of India chuan vote thlakna atana hman, Electronic Voting Machine (EVM) khawih chingpen tuma beihna hun, EVM hacking challenge chu kar kalta Inrinni khan a buatsaih.

Eptu party hrang hrangte chuan EVM hi khawih chingpen theih a nih avangin vote thlakna atana hman chhunzawm tawh loh an rawt a, Delhi-a rorellai Aam Aadmi Party (AAP) chuan special session neiin EVM khawih danglam a nih theih dante an lo lantir tawh bawk.

Election Commission chuan EVM hi khawih danglam theih a ni lo tih sawiin, hei hi finfiah turin a duh apiang tana EVM khawih danglam tuma beihna, hacking challenge hi a buatsaih a ni. Mahse Inrinni-a challenge buatsaihah hian party pahnih, NCP leh CPM aiawhte chuah an kal a, anni pawh hian khawih danglam tumin an bei lo a, EC aiawhten EVM hnathawh dan an sawite chu an ngaithla zawk a ni.

IT expert-te telna CPM team chu EC team-in a hrilhfiah danah an lungawi tawk niin an sawi. Mahse NCP team chuan EC hian khawl a thlan chhuah 14 zinga pakhat chauh an khawih theih turin a pe niin an sawi a, hei vang hian EC thiltih dan chu insawifel tumna mai nia ngaiin an challeng buatsaihna hmun aṭang hian an chhuak a ni.