Naxal helten SOG ambush

Odisha-a Kandhamal district-ah nimin khan Naxal helhoin Special Operation Group (SOG) team an ambush a, sipai pakhat a thi a, mi dang 10 in hliam an tuar.

SOG team hi helho dapchhuah hna thawk tura an chhuak chu, an camp lam pana an kir leh laiin helho hian an lo bei a ni. Helho hian Khamankhol khuaa ramhnuaiah SOG sipaite hi lo changin an lo bei a ni. SOG hi special military unit niin, Odisha-ah hian hel dapchhuak tur leh beihpui thlak tura dah a ni. Thla khat liamtaah khan Chattisgarh-a Sukma district-ah Naxal hel hian CRPF battalion an lo ambush tawh bawk a, sipai 25 an thi a ni. He thil thleng vang hian Union Home Minister Rajnath Singh chuan Naxal hel hluarna state hrang hrang chief minsiter-te chu meeting a lo neihpui tawh a ni.