Defence Minister-in National War Memorial-ah martarte zahna hlan

Defence minister Rajnath Singh chuan kum 1999 Kargil War-a ram tana nunna hlantu sipaite zahna hlanin, Delhi-a National War Memorial-ah an pualin pangpar a dah.

Nimin khan Kargil indonaa India-in Pakistan laka hnehna a chan champha kum 23-na a ni. He indonna sipai thite inpekna leh huaisenna chawimawina atan kumtin August 26-ah Kargil Vijay Diwas hi hman zui a ni.

Service pathum hotu - Army chief General Manoj Pande, Navy chief Admiral R Hari Kumarleh Air Force chief Air Chief Marshal VR Chaudhari-te pawhin National War Memorial-ah pangpar an dah ve bawk.

Prime minister Narendra Modi pawhin Kargil indonnaa ram chhanna atana nunna hlantu sipaite chu a twitter kaltlangin zahna a hlan a, Kargil Vijay Diwas chu India ram tana inchhuanna leh ropuina chhinchhiahna a ni, a ti.

President thar Droupadi Murmu pawhin a twitter-ah India ram chhanhimna tura an nunna hlantu sipai huaisente zahna a hlan a, India ram mipuite chuan heng sipai martar leh an chhungte lakah bat an nei reng tawh dawn a ni, tiin a sawi.