ISRO-in rocket kapchhuak

Indian Space Research Organisation (ISRO) chuan Thawhṭanni tlai khan GSAT-19 communication satellite phurtu rocket, GSLV Mk III chu Andhra Pradesh-a Sriharikota-a Staish Dhawan Space Centre aṭangin hlawhtling takin a kapchhuak.

GSAT-19 hi ISRO-in satellite a kahchhuah tawh zinga rit ber niin kg 3,136-a rit a ni. GSLV MK III hi ramchhunga siam niin, meter 43.43-a sang a ni a, ISRO-in GSLV rocket version thar leh ṭha zawka a siam a ni.

GSLV MK-III hi Thawhṭanni tlai dar 5.28 khan kah­chhuah a ni a, India leilung aṭanga satellite kahchhuah tawh zinga rit ber, GSAT-19 a phur a ni. GSLV MK-III hian Geosynchronous Transfer Orbit (GTO)-ah kg 4,000 chin leh, Low Earth Orbit-ah kg 10,000 chin a phur thei a ni.

President Pranab Mukherjee leh Prime Minister Narendra Modi-te chuan hlawhtling taka rocket kahchhuah a nih avangin ISRO chu chu lawmpuina an hlan a, ISRO scientist-te chu ram mipuiten an chhuang takzet tih an sawi. Congress President Sonia Gandhi pawhin GSLV MK-III hlawhtling taka kahchhuah a ni chu India ram pum tana inchhuanna tham a ni tiin, hlawhtlinna ropui tak a nih thu a sawi.