Congress president atan Rahul October thlaah dah ring

Congress vice president ni lai, Rahul Gandhi chu October thla khian party president atan thlan rin a ni.

September 15 leh October 15 inkar khian party president thlan a ni dawn a, hetih lai hian party chhung aṭangin Rahul Gandhi hi president-a hlankai duh eng meaw zat an awm. President ṭanglai, Sonia Gandhi a hriselna a ṭhat tawk loh avang leh, BJP an chak chhoh zel avangin president thlak duhtu eng emaw zat an awm a ni.

Party thuneitu sang, Congress Working Committee chu party president ruat tura thuneihna pek a ni. Mahse Rahul Gandhi hian democracy kalphung anga party president hi thlan ngei a duh nia sawi a ni. Mahse inthlan hi buatsaih a nih pawhin president dinhmun hi chuhtu dang an awm a rinawm loh.

Nikuma CWC meet, November thlaa neihah pawh khan Sonia Gandhi chu a dam loh avangin a tel thei lo a, Rahul Gandhi hian meeting hi a lo kaihruai tawh a ni. He meeting-ah pawh hian CWC member-te chuan Rahul hi party president-a hlankai an duh thu an lo sawi tawh a ni.