Kashmir Valley-ah internet service titawp
Jammu and Kashmir-a Shopian district-ah Thawhlehni khan sipaite silai hmehpuahah mi pakhat a thih avangin buaina a chhuak leh a, buaina punlun zel tur venna kawng khat atan nimin khan Kashmir Valley pumah mobile internet service tihtawp a ni.
Thawhlehni khan Shopian district-a Ganawpora khuaah security force-te chuan hel bihrukna nia hriat chu hualin an bei a, silai ri thawm hriaiin tualchhung mite chu an pungkhawm a, sipaite hi lungin an tawng zui a ni.
Police-te chuan mipui pungkhawmte hnawhdarh nan hian tear gas an hman bakah, silai pawh hmehpuah a nih thu an sawi. Secruity force-te silai hmehpuah hian kum 20 mi, Adil Farooq Magrey chu a awmah fuhin, District Hospital panpui a nih hnuah a thi a ni. Security force leh mipuite innawrnaah hian mi 10-in hliam an tuar bawk.
Thuneitute chuan buaina punlun zel tur ven nan hian nimin khan Shopian district-a school leh college-te an khar nghal a, venhim hna thawk turin police leh paramilitary Central Reserve Police Force (CRFP) tam zawk thawn luh an ni bawk.