Kum 2012-2022 chhungin India-a sakei 1,000 chuang thi tawh

National Tiger Conservation Authority (NTCA) chuan kum 2012-2022 chhungin India rama sakei awm zinga 1,059 an thi tawh tih a sawi a, kumin bikah 75 an thi tawh.

Kum 2012-2022 chhunga sakei thih tam ber kum chu kum 2021 niin, 127 an thi a ni. Kum 2020-ah 106, 2019-ah 96, 2018-ah 101, 2017-ah 117, 2016-ah 121, 2015-ah 82, 2014-ah 78, 2013-ah 68 leh kum 2012-ah 88 an thi a ni.

Tiger reserve paruk awmna, Madhya Pradesh state-ah sakei thi hi an tam ber a, kum 2012-2022 chhung hian an state-a sakei 270 an thi a, Maharashtra (183), Karnataka (150), Uttarakhand (96), Assam (72), Tamil Nadu (66), Uttar Pradesh (56) leh Kerala (55)-ten an dawt.

2018 Tiger Census-ah khan Madhya Pradesh-ah hian sakei 526 an awm a, 'tiger state' tia sawi a ni hial a ni.