Nakkumah CAFP-a hna ruak 84,405 hnawh khah hman tum

Ministry of state for home (MoS) Nityanand Rai chuan nakkum December-ah Central Armed Police Forces (CAPF)-a hna ruak 84,405 chu hnawh khah hman vek tum a ni tih a sawi.

Nimina Rajya Sabha inkhawma zawhna a chhanah, Minister chuan Constable (General Duty) post 25,271 atan exam buatsaih a ni tawh tih a sawi bawk.

Minister-in data a tarlanah, CAFP-a hnaruak 84,405 awm zingah hian Assam Rifles (9,659), Border Security Force (19,254), Central Industrial Security Force (10,918), Central Reserve Police Force (29,985), Indo-Tibetan Border Police (3,187), leh Sashastra Seema Bal (11,402) a tel a ni. Tuna Assam Rifles, BSF, CISF, CRPF, ITBP, leh SSB-a ṭang mek hi 10,05,779 an ni tarlang nghal bawk.