Class 12 fail tam vangin Bihar zirlaite nuar

Bihar-a Class 12 board exam result tihchhuahah fail an tam avangin zirlai lungawi loten nimin khan nawrh an huaihawt a, kawngpui leh rel kawngte an dang.

Bihar School Examination Board (BSEB) hnuaia Class 12 exam result tihchhuah hian zirlai nuai riat chuang chu an fail a ni. He thil hian sawizui pawh a hlawh hle a, Chief Minister Nitish Kumar chuan zirlai fail-te chuan online hmangin an answer paper ennawn leh tura an ngen theih thu a sawi. Paper ennawnte hi thla khat chhungin a result tihchhuah a ni ang. Class 12 result tihchhuah hian Science, Arts and Commerce stream-a pass percentage chu chawrualin 35.24% chauh a tling phak a ni. Kum 2016-a pass percentage chu 63.19% a ni a, 2015-ah 87.45% a ni.