DPCC chairman ruat turin Delhi sorkar hriattir

National Green Tribunal chuan Delhi sorkar chu thla thum chhunga Delhi Pollution Control Committee (DPCC) chairman ruat turin a hriattir.

DPCC chairman post hi Deli sorkar-a environement secretary-in a hmui mek a ni.

Justice RS Rathore kaihhruai vacation bench chuan chairman chu thil pawimawh leh mawhphurhna ngah tak a ni tih sawiin, state pum pollution control board hnathawh pawh a kutah a innghat a ni, a ti.

Tribunal chuan Delhi sorkarin thla thum chhunga DPCC chairman post chu a hnawhkhat lo a nih chuan, tuna he post chelh mek­tu chu pawm zui a ni tawh dawn lo tih a sawi nghal bawk. Hei bakah tuna chairman post chelh mektu chu envirnoment field lama qualification nei lo leh tawnhriat nei lo a nih thu a sawi.

Green panel hian nikum August thla khan state sorkar hrang hrangte chu board-a post ruakte chu inkaihhruai dan a siam zulzuia hnawtkhat tur leh, report pawh thehluh turin a lo hriattir tawh hlawm a ni. State pakua-a control board chairperson ruatte chu tribunal-in a rel dan anga ruat an nih loh avangin an hna hi an thawh a remti lo bawk.