Pakistan hnenah firfiak DNA dil

National Investigative Agency (NIA) chuan Pakistan hnenah ngenna thawnin, fir­fiakten Uri an beih chung­chang a chhuinaah thawhpui turin a ngen.

Nikum September 18 khan Pakistan firfiak pawl, Lashkar-e-Taiba (LeT) mi nia hriatte chuan Uri sector-a army base an bei a, sipai 18 an thi a ni.

He inbeihna hmun aṭanga an thil hmuhchhuah chungchangah NIA hian Pakistan lam chhanna hi a la nghak mek a ni. Pakistan hnena ngenna a thawnah hian damdawi, thawmhnaw leh pheikhawk an man chung­chang kimchang zawk an dil a, hei bakah hian firfiak pakhat Abu Anas DNA pawh an dil tel bawk. Firfiak dang pathumte erawh chu an nihna hriatchian ala ni lo.