Maha sorkarin loneitute loan ba ngaihdam a remti

Maharashtra sorkar chuan an state-a nawrh huaihawt mek, loneitute loan ba tam tham tak ngaihdam a remti a, loneitute pawhin an nawrh an titawp ve nghal a ni.

State sorkarin leiba ngaihdam a remtih hi loneitu nuai 31 velin an chhawr thei dawn a ni. Hei bakah hian sorkar chuan bawnghnute man tihsan a remti bawk.

Maharashtra state-ah hian loneitu vaibelchhe 1.36 vel an awm a, an loan lak zat hi cheng vaibelchhe nuai 1.14 a tling. Mahse state sorkar chuan loan ba a ngaihdam tur hi cheng vaibelchhe 35,000 a pel dawn lo tih sawiin, he ruahmanna hi loneitu dik takten an chhawrna turin uluk taka enfiah leh teh a ni ang, a ti. He tehna hnuaiah hian sumdawng lian, hnathawh nei leh politician, agriculture ram zau tak neite chu loneitute puala ngaihdamna siam tur hian a huam ve dawn lo a ni.