J&K-ah Hizbul firfiak pahnih man

Security force-te chuan nimin khan Jammu and Kashmir-ah Hizbul Mujahideen firfiak pahnih an man.

Handwara police leh 21-Rashtriya Rifles-te chuan Handwara bialah firfiak an awm thu an dawn bawhzuiin firfiak dapchhuah hna hi an thawk zui a, Chogal-a checkpoint pehhel tum Hizbul firfiak pahih Mehrajudin leh Obad Shafi Mall te chu man a, an kut aṭang hian silai leh a mu tam tham tak an man tel bawk. Thu an zawhfiahnaah firfiak pahnihte hian Handwara hian South Kashmir lama an hman tur silai leh a mu laa kal an nih thu an sawi.