EC-in an hming tihchhiat tumte hrem theihna pe turin dil
Election Commission chuan Law Ministry hnenah ngenna thawnin, mimal emaw pawl emaw, Election Commission dik lo taka puhtute chunga hremna a pek theih nan Contempt of Courts Act, 1971 chu siam-ṭha turin a ngen.
Eptu party hrang hrangte chuan Election Commission hi rorellai party tana thawk angin an puh foṭhin a, hei hian commission a tihmelhem fo ṭhin. Hei vang hian commission ti hmingchhe zawnga puhtute hrem theihna thuneihna pe turin a ngen ta a ni.
EC hian Ministry hnenah thla hmasa khan lehkha hi a thawn a, a lehkhathawnah hian Pakistan-a Election Commission-in thuneihna sang tak a neih dante pawh a tarlang tel a ni.