Passport Service Centre 800 hawng dawn
Sorkar laipui chuan ram chhunga district head post office 800-ah kum hnih chhungin passport service centre hawn vek a tum.
Minister of State for External Affairs VK Singh chuan he thu hi nimin kha puangin, kumin chhungin post office 150-ah passport centre hi hawn a ni ang ang a, kum hnih chhungin district hrang hranga head post office-ah hian hawn vek a ni ang, a ti. Passport service tihlen leh mipui tam zawkin an dawr theih tura siam a nih bakah hian, passport dilna kalphung pawh awlsam zawka siam a nih thu minister chuan a sawi bawk.
London-ah Vijay Mallya chungthu ngaihtuah
India rama Kingfisher Airlines hotu hlui, Vijay Mallya-a thawn tura ngenna chungchang chu nimin khan London court-ah ngaihtuah a ni. Court-ah hian India sorkar aiawhin Crown Prosecution Service (CPS) a ding a ni. CBI leh Enforcement Directorate (ED) joint team chuan tun thla tir lam khan Mallya-a chungchang sawipui tur hian London hi an lo tlawh tawh a ni. Mallya hi April thla khan Scotland Yard-in an man a, mahse bail-a chhuahtir leh nghal a ni.
US President hming chawiin khaw hming phuah dawn
Rajasthan state-a thingtlang khaw pakhat chu US President Donald Trump hming chawitir a ni dawn. Sulab Internatonal founder Bindeshwar Pathak chuan he thu hi nimin khan sawiin, Mewat biala khaw pakhat chu Trump Village tia vuah a nih dawn thu sawiin, hei hian India leh US inlaichinna ṭha zawk pawh a siam phah ngei a beisei thu a sawi.