Congress MLA lakah FIR ziak lut

Madhya Pradesh police-te chuan nimin khan Congress hruaitu leh Karera MLA Shakuntala Khatik chu kar hmasaa loneituten nawrh an huaihawt laia tharum thawhna thlen zawnga che tura party worker-te fuihah puhin an lakah FIR an ziak lut.

FIR hi Khatik-in Congress worker-te Karera police station hal tura a fuihna thu a sawina video clip behchhana ziah luh a ni. Complaint hi station in-charge Sanjeev Tiwari-an a ziahluh a ni.

MLA Khatik-i hian June 8 khan Mandsaur-a nawrh huaihawt mek, loneitute lam hawia police-te silai hmehpuaha mi panga an thih vanga lungawi lohna lantirin, party worker-ten sit-in protest an huaihawt a ni. Nawrh huaihawtnaa hian Chief Minister Shivraj Singh Chouhan lim an hal a, police-te chuan kal darh tura ngenin tuiin an phuh a, khatik hian party worker-te chu police station hal turin a fuih zui ta niin an sawi.