Motor khalh laia mobile phone hmang thlalak thehlut turin ti

Uttar Pradesh Road Transport Department chuan motor khalh lai ngaihsak tawk lo, a bikin mobile phone hman avanga chetsualna thleng ṭhin tihtlem a nih theih nan ruahmanna thar a siam.

State Transport Ministry chuan thuchhuah siamin, passenger-te hennah bus dirver, an motor khalh laia phone hmangte chu an thla laksak a, Department hnenah Whatsapp hmanga an thlalakte thawn turin a hriattir. Thlalak thawntute hi lawmman pek ṭhin an ni ang.

UP Transport Minister Swatnatra Dev Singh chuan motor khalh laia mobile phone hman khapna dan a awm chungin, hmang lui an awm reng avangin complaint a lut fo tih a sawi. Hei vang hian driver dan bawhchhiate chu an thla laksak ṭhin turin passenger te a ngen tih a sawi. Thlalak hi Department hnenah thawn a nih hnuin driver hi sum chawi tir an ni ang a, a thawntu chu lawmman pek a ni thung dawn a ni.