Health ministry-in Delhi bazar enfiah

Union Health Ministry chuan Delih-a damdawi leh damdawi lam hmanrua pekchhuakna hmunpui, Bharigath Palace an endik a, damdawi cheng vaibelchhe nga man hu vel an man.

Bharigath Palace-ah hian damdawi dawr 376 vel a awm a, dawr neitu eng emaw zat chu man an ni bawk.

Damdawi zawrhna hmunpui endik hna hi Central Drugs Standard Control Organization (CDSCO)-a drugs regulatory officer 140 chaung leh Delhi Police 50 vel ten an thawk a ni. CDSCO hi union health ministry hnuaiha damdawi lakluh, damdawi thar pawmna leh clinical trial neihnaa thuneitu sang ber a ni.

Mithiamte chuan damdawite hi hmun vawt, fai leh him, ni eng luh lohnaah dahṭhat tur a ni tih an sawi a, mahse wholesale market an endiknaah hian an damdawi dahna, warehouse te chu ni eng luh theihna, a vawh lam pawh room temperature pangngai anga dah an ni tih an sawi. Heng hmuna damdawi dahṭhatte chuan an chakna an hloh ṭhin niin drug controller officer chuan a sawi.

Wholesale market dapnaah hian vaccine ṭhenkaht chu 30 degree Celsius aia lumahte an lo dah tih hmuhchhuah a ni a, heng vaccine te hi 2-8 degree Celsius-a dahṭhat tur an ni. Khu damdawi ṭhenkhat pawh a litre-a pack-in hmuh a ni bawk a, hengte hi sumdawngte hian labeling leh seal mumal telloin an agent-te hnenah an hralhchhuak bawk ṭhin. Bazar dap a nih lai hian dawrkai tam tak chu an dawrah pawh awm ngam loin an tlanchhia a, ṭhenkhatin an dawr an khar bawk nia sawi a ni.