Maldives President a rawn zin dawn

Maldives president Ibrahim Mohamed Solih chu August 1 hian ni li cham turin India-ah a rawn zin dawn.

Ministry of external affairs thupuangtu Arindam Bagchi chuan prime minister Narendra Modi sawmna angin, Maldives President hian a rawn zin dawn tih a sawi. High-level official leh sumdawng aiawhte'n an rawn ṭawiawm ang.

Maldives hruaitu han a cham chhungin president Droupadi Murmu, prime minister Narendra Modi leh external affairs minister S Jaishankar-te meeting a neihpui dawn a, New Delhi bakah Mumbai-ah sumdawng aiawhte hun hman turah pawh a telpui dawn a ni.

Bagchi chuan Maldives chu Indian Ocean Region-a India ṭhenawm ram pawimawh tak, Neighbourbood First Policy-ah pawh hmun pawimawh tak chang a ni, a ti. Tun hnaiah ram pahnihte thawhdunna chuan area hrang hrangah hma a sawn nasa hle a ni, tiin a sawi.