Nitish Kumar chungchang a sawidan avangin Bihar MP hlui kum 3 tang turin hrem

Bihar-a Jehanabad district special court chuan MP hlui, Arun Kumar chu kum 2015, June thlaa chief minister Nitish Kumar chungchanga a thusawi avangin kum thum tang turin Inrinni khan a hrem.

Special MP-MLA court judge Rakesh Kumar Rajak chuan RSLP MP hlui ,Kumar hi kum thum tang tura a hrem bakah, Rs 5,000 chawi turin a ti bawk. Mahse Kumar hi bail-a chhuah nghal niin, court sang zawkah appeal a tum tih a sawi.

Kumar hian Barh leh Mokama area-a Bhumihar hnam chu bitum bik an ni tih sawiin, an zahawmna a tihchhiat avangin chief minister chu an tichhe dawn tih a sawi a ni. A thusawi avang hian JD(U) hruaitu Chandrika Prasad Yadav chuan thubuai a thehlut a ni.