President chuh tum mi paruk awm tawh

Election Commission chuan July 17-a President thlanna neih tura tana hriattirna chu Nilaini kha a tichhuak a, hemi ni vek hian inthlana chuh tum mi paruk ten nomination paper an thehlut nghal.

Nilainia nomination paper thehlut zingah hian Salem, Tamil Nadu ami K. Padmarajan pawh a tel. Padmarajan hian inthlan vawi 150 chuangah a chuh tawh a, ‘Election King’ tiin a hming pawh vuahsak a ni. A hming hi Limca Book of Records-ah candidate chak lo ngun ber tiin a lang tawh a ni.

Nomination thehlut dangte chu Madhya Pradesh mi Anand Singh Kushwaha, Telangana mi Bala Raj, Mumbai aṭangin Saira Bano Patel leh Abdul Hamid Patel, Puneaṭangin Kodndekar Vijayprakash te an ni. Nominate paper hi June 28 thleng thehluh theih a ni ang.

Inthlan hi July 17 hian neih a ni dawn a, July 20-ah vote chhiar a ni ang. President ṭang­lai Pranab Mukherjee-a term hi July 24 hi a tawp dawn a, president thlan thar hian a tukaṭangin a hna hi a zawm nghal dawn a ni.

Rorellai, BJP kaihhruai NDA chuan a candidate tur an la puang lo a, eptu party-te pawhin candidate inṭawm siam an tum a, an la puang lo bawk.