GJM hotu chenna in dap

West Bengal hmarlam bial aṭanga Gorkhaland state hran siam phutin Gorka Janmukti Morch (GJM) chuan nawrh an huaihawt chhunzawm zel.

Hetih lai hian nimin zing khan West Bengal police-te chuan GJM hotu Bimal Gurung-a in, Patelbas area a mi chu an dap a, ralthuam eng emaw zat an man. Official-te chuan Gurung-a in kalhna chu tihchhiain an lut a ni.

GJM hruaitu in aṭang hian puak thei thil lam chi bakah, thal te, hriamhrei thil dang bakah mobile phone te an man tel a ni.

Bimal Gurung-a kaihhruai GJM chuan police-te’n nawrh huaihawt mekte an tihbuai chhunzawm zel chuan na zawka nawrh huaihawt an tum thu an sawi. Gurung chuan boruak ṭha tak hnuaiah, democracy kalphung angin nawrh an huaihawt a, mahse state sorkar chuan police-te hmangin nawr beh a tum niin a sawi. Hill area-a khualzin leh hmundang aṭanga hnathawka awmte chu an dinhmunte hrethiamin, kalchhuak turin a ngen.

Nimink han GJM youth wing, Gorkha Janmukti Yuwa Morcha (GJYM) chuan police-ten kut an thlak avang leh, GTA coucillor man nih vanga lungawi lohna lantirin rally an huaihawt bawk.