BJP MLA-in Gateway of India hming thlak duh

BJP MLA Raj Purohit chuan Gateway of India chu Bharat Dwar tia a hming thlak a rawt. Purohit chuan Gateway of India chu British rorelna hnuaia sal ang maia India mite chhawr an nihna lantirna a ni tiin, a hming thlak chu ram zalenna tura beia nunna chante zahna lantirna a ni dawn a ni, a ti. Hemi chungchang hi Maharashtra Chief Minister Devendra Fadnavis pawh a sawipui tawh niin a sawi bawk.

BJP MLA chuan, “ Bombay chu Mumbai, Malabar Hill chu Walkeshwar leh Victoria Terminus cu Chhatrapati Shivaji Maharaj Terminus tiin kan thlak tawh a, he hmun hming pawh hi thlak a ni ve tur a ni”, a ti. Mumbai-a Gateway of India hi kum 1924 khan hawn a ni a, a foundation hi King George V leh Queen Mary-ten Mumbai an tlawh hriatrengna pualin kum 1911 khan phum a ni.