India-a IS chief recruiter firfiakah puang
US Department of State chuan India rama Islamic State (IS) chief recruiter Mohammad Shafi Armar chu firfiakah a puang.
Department chuan thuchhuah siami, ‘Mohammad Shafi Amar hi Foreign Terrorist Organisation (FTO) leh Specially Designated Global Terrorist (SDGT) tan India rama mi thar laluttu ber a ni. Mi tam tak chu IS thlawp tura hminin, India rama pawikhawihna thlengahte an inhnamhnawih a ni” a ti. Shafi Armar hi Bhatkal, Karnataka mi a ni a, Islamic State ((IS) hotu lu ber Abu Bakar al-Baghdadi nen pawh inpawh tak nia sawi a ni.
IS zawm tur hian mi 30 vel a la lut tawh a, mi 700 chuang a bepawp bawk nia sawi a ni. A u Sultan Abdul Kadir Amar a thih hnuah kum 2015 March thla aṭang khan India rama IS tana mi thar daptu leh laluttu-ah a awm zui a ni. Intelligence lam chuan Armar hian India ram state tinah IS unit hi din a tum a, hemi atan hian ISIS India wing, Junud AlKhalifa-e-Hind pawh aṭan tawh niin an sawi.