NDA aiawhten Sonia Gandhi hmu

BJP kaihhruai National Democratic Alliance (NDA) chuan president thlan tur chungchangah nimin khan Congress party president Sonia Gandhi an hmu. NDA aiawh hian union minister pahnih Venkaiah Naidu leh Rajnath Singh-te chuan nimin khan Sonia Gandhi chu a chenna, 10 Janpath-ah darkar chanve vel an kawm. Sorkar official chuan sorkar lam aiawhte hian president thlan tur chungchangah eptu pawl lam ngaihdan hriatthiam an duh a, candidate lungrual tlanna siam theih a nih dawn leh dawn lohte ngaihtuah an duh niin a sawi. Singh leh Naidu hian Sonia hi candidate tura duh a nei em tihte pawh an zawt nia sawi a ni bawk.