AAP-in loneitu pawl hruaitute hmu dawn

Delhi-a rorellai, Aam Aadmi Party (AAP) chuan vawiin hian Delhi-ah state 20-a loneitu pawl hruaitute a hmu dawn a, hemi hnu hian ramchhung hmun hrang hranga loan ba ngaihdam phuta loneitu nawrh huaihawtte thlawpna lantir dan tur a rel nghal ang.

AAP hian Constitution Club-ah loneitu pawl hruaitu mi 100 vel chu meeting a neihpui ang a, he hunah hian state hrang hranga loneituten an state sorkarin an laka thil a tiam, a tihhlawh­tlin leh tak lohte tarlangin, an thil phut hrang hrangte an sawi bawk ang. State 20 aṭang hian state tin aiawhin mi panga zel an tel dawn a, an state-a loneitute din­hmunte report kimchang an pe dawn bawk a ni.

Delhi minister leh AAP hruiatu Gopal Rai chuan conference neih zawhah rampum huapa loneitu puala nawrh huaihawt dan kan ngaihtuah dawn a ni. BJP chuan thil tam tak tiam mah se, tun thlengin loneitute hian engmah an la dawng lo. MP inthlan dawn khan BJP chuan sorkarna an chan chuan loneitute loan ba ngaihdam nghal a tiam a ni. Mahse an thutiam hi tun thlengin tihhlawhtlin a la ni lo a, loneitute tihhlawhtling tura phuta an nawr chaun tihhlum an tawk ta zawk a ni, a ti.