Sipai hotuin inphenna atana mihring hman ṭha ti lo

Khawmual sipai hotu, General Bipin Rawat chuan tunhnaia Jammu & Kashmir-a an mahni tawngtute laka invenna atana Major Leetul Gogoi-a’n jeet-a mi pakhat phuarbeta an tlankual pui ang chi kha hman chhunzawm chi a nih loh thu leh, hei hi standard operating procedure (SOP) atan hman chi a nih loh thu a sawi. Gen. Rawat chuan sipaite chuan mihring dikna chanvo an zah a, hemi kawngah hian record ṭha tak pawh an nei niin a sawi a, hei hi vawnnun zel an tum tih a sawi bawk. Hemi hma hian sipai hotu hian Gogoi-a thlavang hi a lo hauhsak tawh a, Major thiltih avang hian mi tam takin hliam an tawrh loh phah a ni, a ti.

Rawat hian Dundigal-a Air Force Academy-a combined graduation parade a hmanpuinaah he thu hi sawiin, Army chief chuan Jammu and Kashmir-a boruak muanawm leh nunphung pangngai a awm leh theihna turin security force-te chuan theihtawp an chhuah reng tih a sawi.