NDMC-in Rashtrapati Bhavan hriattirna pe

New Delhi Municipal Council chuan Rashtrapati Bhavan hnenah, complex chhunga tui tlinna hmun tam takah thosi an piang nia sawiin hriattirna a pe.

NDMC senior official chuan kum tinin surveillane team chuan thil awmdante endikin, an report behchhan hian hriattirna an pekchhuah ṭhin thu a sawi. Ṭum hnih an endiknaah hmasawnna a awm loh chuan challan an pe leh tih ṭhin a sawi bawk. President Estate-a quarter hrang hrang hnenah thosi pian theihna tui tling a awm ṭhin avangin hriattirna hi an pe tih a sawi.

Nikum khan NDMC hian President Estate hnenah hian campus chhunga thosi pian theihna chi a awm avangin vawi 80 chuang hriattirna an pe a, kum 2015 khan vawi 125 pek an ni bawk. NDMC-in hriattirna a pek building pawimawh dang zingah hian Defence Ministry leh Delhi High Court, Haryana Bhawan, Paryavaran Bhawan, Mausum Bhawan, Central Administrative Tribunal (CAT), Safdarjung Hospital, AIIMS, Delhi Police Headquarters, leh Ram Manohar Lohia (RML) Hospital-te pawh an tel.