Loneitute fuihah Congress puh

Union agriculture minister Radha Mohan chuan, Madhya Pradesh-a loneituten nawrh an huaihawtnaa police-te silai hmehpuaha loneitu panga an thih chung­changah, Congress party chu buaina chawk chhuak tura loneitute fuihah a puh.

Minister chuan MP-a thil thleng chu pawi a tih thu a sawi a, hemirual hian Congress MLA leh hruaitute chu buaina tipunlun zawnga cheah a puh a ni. Hei hi loneitute hmakhaw ngaih vang a ni lo tiin a sawi.

Prime Minister Modi-a kaihhruai sorkar chuan loneitute tan nasa takin hma a la a, sorkar laipui hmalakna hi eptu lam chuan an dodal niin, minister chuan a sawi. Politics khelhna atana loneitute an hmang nia sawiin, loneitute hian hei hi hriain an la hrem let dawn a ni, a ti.

Loneituten an tharchhuah aṭanga sum tam zawk an laklut theihna turin sorkar chuan ruahmanna a siam thu a sawi bawk.