Shiv Sena-in an party MP man vangin nawrh huaihawt

Shiv Sena chuan Enforcement Directorate-in Pathianni zana an party MP Sanjay Raut an man avangin nimin khan Mumbai khawpui hmun hrang hrangah lungawi lohna an lantir. Nimina Parliament rorel inkhawmah pawh eptute chuan BJP sorkar chu politics lama a khingpuite beihna atan central agency-te dik lo taka hmang ṭhinah an puh bawk.

Uddhav Thackeray lam ṭang Shiv Sena hruaitu, Rai hi Pathianni zan, zanlai vel khan Patra Chawl case kaihhnawihah ED official-te hian a man a ni. Rai hi Thackeray lam, Shiv Sena leh BJP-ten an thawhdunna an tihtawp hnuah BJP beiin a sawisel fo a ni.

ED official-te chuan Patra Chawl case-a thu zawhfiah tura an kohna chu Rajya Sabha MP hian ṭum hnih a ṭhulhsan tawh niin an sawi. Pathianni khan a chenna hi an dapsak hnuah zanah an man zui a ni.

April thla khan ED chuan Raul-a nupui Varsha Raul leh a thawhpui dan pahnihte thil neih, Rs vbc 11.15 hu chu khawih theih lohin an lo hrek sak tawh a ni. Agency chuan Raut hi a thawhpui Parvin Raut leh Sujit Parkar-te nena sumdawnna leh thil danga inzawmna an neih dan bakah, a nupui inrawlhna property deal chungchangah thu an zawtfiah duh tih an sawi. Patra chawl re-develoment case kaihhnawihah hian Pravin Raut hi man a lo ni tawh bawk.