ED-in National Herald head office an dap

Enforcement Directorate (ED) chuan Congress party ta, National Herald newspaper money laundering case kaihhnawihah nimin khan Delhi-a hmun eng emaw zat an dap a, National Herald head office pawh an dap tel.

He case kaihhnawihah hian ED chuan Congress president Sonia Gandhi leh a fapa, Rahul Gandhi-te pawh thu an lo zawtfiah tawh bawk.

ED officer-te chuan Prevention of Money Laundering Act (PMLA)-a criminal section hnuaiah hmun hrang hrang hi dap a nih thu sawiin, sum dik tawk loa inpek nia sawi chungchangah finfiahna dang an zawn belh tih an sawi.

Congress party chuan ED thiltih dan hi sawisel nghalin, Gandhi-te nufa thu zawhfiah an nih tawh hnuah Herald House dap a ni leh chu prime minister Narendra Modi kaihhruai sorkar laipuiin anmahni sawiseltu, eptute a beih letna a ni, an ti. BJP chu eptute beihna atana central agency-te dik lo taka hmangah puhin an chet dan chu an dem thu an sawi a ni.