No Fly list siam dawn

Thlawhtheihnaa khualzin chuang, nungchang mawi lo leh midangte tana harsatna thlen zawng che ṭhinte hremna tur, ‘national no fly list’ draft rules chu civil aviation ministry-in a duang mek a, July thla chhunga peihfel hman tum a ni.

Civil Aviation Requirement (CAR) hi ennawna siam ṭhat a nih chuan khualzin nungchang mawi lote chu thla thumaṭanga tiam chin awm lo thlenga thlawhtheihnaa chuang thei lo tura hrem theih an ni tawh ang.

Lok Sabha-a TDP MP JC Diwakar Reddy chu Vizag airport-ah a tlai avanga IndiGo-in thlawhtheihnaa a luh an phal loh hnuah buaina a siam zui a, hei vang hian airlines lian ho chuan an thlawhtheihnaa a chuan an phal tawh lo a ni. Hemi hma hian Shiv Sena MP Ravindra Gaikwad pawh Air India staff-te kut a thlak avangin hun eng emaw chen thlawhtheihnaa a chuan an lo khap tawh bawk.

Civil aviation ministry-in draft rules a duan mek hnuaiah hian security agency-te’n ram himna atana hlauhthawnawm nia an ngaihte pawh no fly list zingah hian telh an ni ang.

Sorkarin nungchang mawi lo, hrem theih nia a thliar hi chi thum awmin, ṭawngkam mawi lo leh nungchang mawi lo taka che te chu thla thum chhung hrem theih an ni ang. Kut thawh a, mipat hmeichhiat lam hawia mawi lo taka chete chu thla ruk thleng hrem theih an ni ang a, thlawhtheihna himna tichhe thei zawnga che leh fligh crew-te kutthlakte chu kum hnih emaw, tiam chin awm lo emaw hrem theih an ni bawk ang.