Thamna laa puh Colonel leh midang pathum man

Central Bureau of Investigation (CBI) chuan Pune-a private company hnena aṭanga thamna, Rs 50,000 laa puh Colonel leh company official pathum an man.

CBI-in a man, Col. Shaibal Kumar hi Kolkata-a Eastern Command-a Planning and Engineering branch-a awm a ni a, Xtech Equipment Pvt Ltd-te’n lung halna hmanrua supply-na tur contract an hmuh theih nan thamna sum laah puh a ni. A ruala mante hi Xtech Equipment Pvt Ltd-a Managing Director Sharat Nath, Dirctor Vijay Naidu leh compary representative Amit Roy-te an ni.

CBI thupuangtu RK Guar chuan Colonel hian company hnen aṭang hian thamna cheng nuai 1.80 a phut a, February thla khan Rs 50,000 a dawng a, a hnuah second installment atan Rs 50,000 a dawng leh niin a sawi. CBI chuan company director hi enthlain, army officer hnena thamna a pek hnuah an man a, colonel pawh hi a chenna-in aṭangin an man zui leh nghal a ni.