India ramah F-16 fighter jet siam dawn

Lockheed Martin chuan India rama F-16 fighter jet siamna turin Tata Advanced Systems chu inremna a siampui. Company pahnihte chuan thuchhuah siamin, an thawhdunna hnuaiah India chuan F-16 Block 70 aircraft siamna tur hun ṭha a nei thei dawn a, hei hi khawvela multi-role fighter tha leh changkang a nih thu an sawi. An thuchhuah chuan inremna an siam hian sorkar laipuiin ‘Make in India’ policy a siam pawh a tihchak sawt dawn a, an thawhdunna hnuaiah India leh US-ah mi tam tak tan hnathawh tur thar a siamsak dawn a ni, an ti. F-16 hi khawvelah 4,500 vel siam tawh niin 3,200 vel hman mek a ni a, multi-role fighter siam tawha hlawhtling bera sawi a ni.