Punjab-in loneitute loan ba ngaidam

Punjab Chief Minister Captain Amarinder Singh chuan an state chhunga loneitute loan ba ngaihdam a nih thu a puang.

State sorkarin loan ba a ngaihdam te hi small and marginal farmer-te niin, cheng nuai hnih chin a huam a ni. Hemi hma hian Uttar Pradesh leh Maharashtra sorkar chuan loneitute loan ba hi alo ngaihdam sak tawh bawk.

Chief Minister Amarinder chuan loan ba ngaihdam hi loneitu nuai 10.25 velin an chhawr thei dawn niin a sawi. Hei bakah hian leiba ngah avanga intihlum, loneitu chhungte ralna cheng nuai thum pek ṭhin chu cheng nuai nga-ah tihsan a ni bawk.

CM chuan agriculture sector dinhmun siamṭhatna turin sorkar­in kawng hrang hrangin hma a lak thu a sawi a, heng zingah hian thlai tam zawk tharchhuaha nih theihna tur te, thlai chi ṭha zawk semna tur te pawh a tel.