Delhi sorkarin bus-ah CCTV dah dawn

Delhi sorkar chuan Delhi Tranpsport Corporation (DTC) leh private bus 6350-ah CCTV camera a dah dawn a, hemi atana sum senso ngai zat chu cheng vaibelchhe 140 a tling a ni.

Thawhlehni-a cabinet meeting-ah hei hi rel a ni a, CCTV camera dahna atana sum ngai te hi sorkar laipuiin Nirbhaya Fund a siam aṭangin pek a ni ang. He fund hi kum 2012 December 16-a Delhi-a bus tlanlaia paramedic zirlai pakhatin pawngsual rawn a tawh hnua sorkar laipuiin a siam a ni a, Nirbhaya Fund atan hian kum 2013 khan hmeichhiat himna tura hmalakna atan cheng vaibelchhe 3,000 dah a ni.

National Crime Records Bureau-in a tarlan danin, Delhi-ah hian hmeichhe chunga mipat hmeichhiatna lam hawi pawikhawihna ṭum 9,104 a thleng tawh a, Chandigarh-ah 164, Andaman and Nicobar Island-ah 98, Puducherry-ah 47, Dadar and Nagar Haveli-ah 13, Daman and Diu-ah

ṭum 12 leh Laskshadweep-ah ṭum sarih a thleng a ni. Union territory hrang hrangah hian hmeichhe laka pawikhawina thubuai thehluh 17,845 a awm tawh bawk.